Injeksioni kontraceptiv
Injeksioni kontraceptiv është një metodë kontracepsioni.
Injeksioni kontraceptiv përmban 1 hormon. Ky hormon parandalon ovulacionin. Gjithashtu ai e bën më të vështirë për spermatozoidet të futen në mitër dhe parandalon implantimin e një vezëze.
Si punon injeksioni kontraceptiv?
Injeksioni punon për 3 muaj. Përdoret në mënyrën e mëposhtme:
- Gjatë 5 ditëve të para të ciklit tuaj, mjeku, gjinekologu ose infermieri juaj ju bën një injeksion në parakrah ose në vithe.
- Më pas, ju bëni një injeksion të ri çdo 3 muaj (12 javë).
I sigurt
Nuk ndikon në shëndetin tuaj
Injeksioni kontraceptiv përmban 1 hormon. Ky hormon në përgjithësi nuk ndikon në shëndetintuaj. Por, në disa raste është më mirë të zgjidhni një metodë tjetër kontracepsioni. Pyesni një mjek për këshillë.
Injeksioni nuk ju bën më pak pjellore. Nëse doni të ngelni shtatzënë, thjesht ndaloni bërjen e injeksionit. Mundet, megjithatë, të duhen disa muaj ose deri në një vit, për ciklin tuaj të kthehet në normal.
Injeksioni kontraceptiv mund të shkaktojë efekte anësore si dhimbje koke, cikël menstrual të çrregullt dhe gjokse më të ndjeshëm. Konsultoni një mjek nëse efektet anësore janë të rënda.
Ciklet menstruale mund të bëhen më pak të bollshme dhe shpesh ndalojnë krejtësisht. Nuk ka problem nëse ciklet tuaja menstruale ndalojnë. Gjaku nuk mund të mblidhet në trupin tuaj. Për disa gra, cikli bëhet më i rëndë. Të tjerat vazhdojnë të kenë cikle menstruale të çrregullta ose gjakrrjedhje midis 2 cikleve. Edhe kjo nuk përbën problem.
Nuk ofron mbrojtje nga IST-të dhe virusi HIV
Injeksioni kontraceptiv nuk mbron nga IST-të ose virusi HIV. Vetëm një prezervativ mund t'ju mbrojë.
Blerja e injeksionit kontraceptiv
Ju keni nevojë për recetë nga një mjek për të blerë injeksionin kontraceptiv. Nuk mund ta blini pa recetë injeksionin kontraceptiv. Mund ta blini injeksionin kontraceptiv vetëm në një farmaci. Pyesni një profesionist të kujdesit shëndetësor për më shumë informacion.
Disa fonde të sigurimeve shëndetësore ripaguajnë një pjesë të shpenzimeve për kontracepsionin. Pyesni fondin tuaj të sigurimeve shëndetësore për këtë.
Duhet të paguani gjithashtu një kontribut personal për vizitën te mjeku. Disa njerëz kanë të drejtë për rimbursimin e shtuar ose për kujdes mjekësor urgjent. Më poshtë janë adresat ku mund të bëni vizitë falas te një mjek.